11月零食推薦 – CalFree.HK
一般食品 $289元免運費 ; 與冷凍食品一併購買 $389元免運費

11月零食推薦

1)CRUN Chicken 100%韓國無激素雞胸肉片

100%雞胸肉焗乾做脆片,無添加任何麵粉。100%蛋白質來源加上無油焗烤,健康無負擔。因為焗到好香脆加上適當既調味,食唔到平時雞胸肉既鞋口質感,反而似食緊薯片。以後口痕都唔洗怕,因為一包唔單只高蛋白質(一包含14-17g),仲好低卡路里(77-92Kcal一包)同脂肪(1-3g一包),絕對係無論運動後,想食零食時或深宵肚餓必備既小食之選。

 

2)AM/PM堅果棒

 

小編早餐永遠都趕住出門口,無時間食早餐,但出面街既麵包茶記早餐都好高卡路里之餘營養素一般,大多都高碳水高脂低蛋白質。如果買便利店既代餐棒,睇睇營養標籤就會比個糖分嚇親而放返低。但AM棒就唔同,佢用左低聚糖,糖份大大降低至5g,加上只加入健康既藜麥燕麥同糙米同其他堅果,一條139kcal就可以支持你忙碌既早上。而PM棒小編一般會口痕既時間當零食,入面大量果仁同穀物一條只係89kcal;或者行山瑜珈後食補充體力。

 

3)嘟嗒即沖大醬湯

韓國最近好興即沖既湯品,佢地通常會加入即沖包加少少材料成為一個料理。大醬湯加入左真材實料既辣蘿蔔或者山薊菜,大醬,海帶鯷魚提升鮮味;而醒酒湯就用左大量白菜,牛腿骨同牛肉汁製成,鮮味十足。無論當湯飲定煮料理都一流。

 

4)低Kcal黑糖奶茶即沖包

阿洛糖(天然甜味劑)本身零卡路里加上上選既黑糖同阿薩母紅茶製成,加入牛奶或植物奶就可以沖成低卡既黑糖奶茶。眾所周知黑糖鮮奶茶係減肥減脂人士既大忌,飲一杯分分鐘等於兩碗飯。但我地呢款低卡黑糖奶茶包,用左阿洛糖,大大降低左卡路里既負擔,仲唔洗擔心升糖指數!隨意加入牛奶就可以享受甜美既手搖飲品既味道,以後飯後或下午茶飲返杯,唔單止滿足甜食愛好者,仲可以飲完無負擔感!

發表留言

請注意,留言須先通過審核才會發佈